Դարի ականատեսը
Զաբել Ասատրյանը 100 տարեկան է
Հարյուր տարվա ուժն ու լույսն է նրա սրտում, հարյուր տարվա իմաստությունն ու հիշողություններն են նրա հոգում, հարյուր տարվա պատմությունն ու անցած ճանապարհն է նրա աչքերում։ Դարի միջով քայլող կինը Զաբել Համայակի Ասատրյանն է, ով ապրում է Արմավիրի մարզի Հացիկ գյուղում, ընտանիքի՝ տղայի, հարսի և թոռների հոգատարության ու ջերմության ներքո։ 100 ամյա Զաբելը չնայած պատկառելի տարիքին, նույնքան պատրաստակամ ու հոգատար է ընտանիքի նկատմամբ, տան գործերին օգնության ձեռք է մեկնում, իսկ այգում ծաղիկների մշակությունը ոչ մեկին չի վստահում։
Մեկ դար՝ նրա աչքերում, 100 տարիների խորությունը
Զաբել Ասատրյանը ծնվել է Շիրակի մարզի Բագրավան գյուղում՝ 1926թ-ի մարտի 11-ին։ Սովորել է գյուղի միջնակարգ դպրոցում, ապա ստացել բուժքույրի մասնագիտություն։ Ասում է տեսել է եմ սով, պատերազմ, դժվար կյանք եմ ունեցել երիտասարդ տարիներին, բայց այդ ամենը հաղթահարել եմ մեծ կամքի ուժով, համբերատարությամբ ու լավատեսության շնորհիվ։ 1947թ-ին Զաբելի կյանքի ուղին փոխվեց, երբ հանդիպեց կյանքի երկրորդ կեսին՝ Անդրանիկ Ասատրյանին։ Անդրանիկը հայրենական մեծ պատերազմի մասնակից է եղել, ամուսնու մասին Զաբելի հիշողությունները քաղցր են, ջերմ ու անվերջանալի։ Ասում է Բագրավանից Խարկով հարս գնացի, 5 երեխա ունեցա՝ Լյովան, Լարիսան, Հասմիկը, Սուսաննան և Արտավազդը։ Երջանիկ ընտանիք ունեի, երեխաներս մեծացրեցինք, կրթության տվեցինք, մասնագիտություն ձեռք բերեցին, հետո ամուսնացան ու իրենց ընտանիքները կազմեցին ։
Խարկովից Հացիկ, Զաբել Ասատրյանը հայրենիք վերադարձավ
1962թ-ին Զաբելի ընտանիքը տեղափոխվում է Հայաստան, բնակություն հաստատում Արմավիրի մարզի Հացիկ գյուղում։ Հենց այստեղ էլ տոնում է իր 100 ամյակը։ Այսօր ավելի քան երջանիկ է, հոբելյանական 100 ամյակը նշելու համար աշխարհի տարբեր անկյուններից մեկ հարկի տակ են հավաքվել նրա թոռներն ու ծոռները, ժամանել են Իտալիայից, Իսպանիայից, Շվեցարիայից, Ռուսատանի դաշնությունից։ Կարևոր օր է, մեկ դար բոլորած տատիկի ծնունդն է, միմյանց շուրջ հավաքվելու ամենալավ առիթը, ասում են թոռնիկներն ու վայելում տատիկի ջերմ ներկայությունը։ Զաբել տատը 5 զավակ, 10-ը թոռ, 17 ծոռ, 2 կոռ ունի։ Գերդաստանը հավաքվել է տատիկի շուրջը, սպասում է, որ Զաբել տատիկը երազանք պահի ու ծննդյան տորթի մոմը փչի։ Իսկ 100 ամյակի մեծ տոնախմբությունը դեռ առջում էր։
Պաշտոնական շնորհավորանքները ևս կարևոր էր Զաբել տատի համար։Արմավիրի մարզպետ Վահրամ Խաչատրյանը, Արմավիր համայնքի ղեկավար Վարշամ Սարգսյանը նույնպես հյուրընկալվեցին Ասատարյանների տանը, շնորհավորեցին ու բարեմաղթանքներ հղեցին Զաբել Ասատրյանին։
"ԱԼՏ" Հեռուստախմբագրությունը ևս շնորհավորում է Զաբել Ասատրյանին 100 ամյակի կապակցությամբ։
Թող Ձեր երկար ու գեղեցիկ կյանքը միշտ օրինակ լինի բոլորիս համար։
Մաղթում ենք Ձեզ առողջություն, խաղաղ օրեր և շատ ջերմություն Ձեր սիրելի մարդկանցից։ Թող Ձեր տունը միշտ լցված լինի ժպիտներով, սիրով և շնորհակալությամբ այն ամենի համար, ինչ Դուք տվել եք Ձեր ընտանիքին ու շրջապատին։
Թող Ձեր երկար ու գեղեցիկ կյանքը միշտ օրինակ լինի բոլորիս համար։
Մաղթում ենք Ձեզ առողջություն, խաղաղ օրեր և շատ ջերմություն Ձեր սիրելի մարդկանցից։ Թող Ձեր տունը միշտ լցված լինի ժպիտներով, սիրով և շնորհակալությամբ այն ամենի համար, ինչ Դուք տվել եք Ձեր ընտանիքին ու շրջապատին։
