Մայիսի 4-ին ժամը 13։30 -ի սահմաններում Արմավիրի մարզի Արմավիր, Այգեշատ, Տանձուտ, Արգավանդ բնակավայրերում ուժեղ անձև, այնուհետև կարկուտ է տեղացել Արգանադցիներն ու արմավիրցիները ասում են, որ կարկուտի ընթացքում հակակարկտային կայնանները չեն գործել, կայանների կրակոցները լսվել են ավելի ուշ, երբ կակրուտը դադարել էր։ Ի՞նչն է եղել հակակարկտային կայանների գործարկման ուշացման պատճառը, գյուղացիները չգիտեն։ Արդյո՞ք կարկուտից տուժել են գյուղացիական տնտեսությունները և ո՞րքան կկազմի հասցված վնասը պտղատու ծառերին և ցանքատարածություններին։ Արմավիրցիներն ասում են, չնայած անզեն աչքով երևում է, բայց ավելի պարզ կդառնա մեկ-երկու օրվա ընթացքում, երբ եղանակը տաքանա, այդ ժամանակ վնասվածքները թե՞ պտղի, թե՞ բույսի վրա ավելի հստակ կերևա։ Արգավանդի բնակիչ Եփրեմ Եփրեմյանն ասում է 3 հեկտար բանջարաբոստանային կուլտուրա է մշակում։ Մեկական հեկտար լոլիկ, կարտոֆիլ, կես հեկտար սմբուկ ու կես հեկտար ձմերուկ է սածիլել։ Ըստ Եփրեմի, եթե կարտոֆիլի դեպքում փոքրիկ հույս կա, որ բույսը կվերականգնի և մշակության համար ներդրած ծախսը կհանի, ապա լոլիկի, սմբուկի և ձմերուկի բույսերն ամբողջությամբ հողին են հավասարվել, դրանց վերականգնումն անհնար կլինի։ Եփրեմի խոսքով գյուղատնտեսական աշխատանքները կատարել է գյուղատնտեսական վարկի միջոցով, հիմա հուսահատ է, վարկը մարելու դժվարություն է կառաջանա, իսկ նոր ներդրում և կրկնակի ցանքս կատարել չի կարողնա, միջոցներ չունի։ Գյուղացիական տնտեսություններից շատերն են նույն կարգավիճակում, կիսում են Եփրեմի մտահոգությունը, հայտնվել ենք անելանելի վիճակում, ասում են արգավանդցիները։