Կարողությունների զարգացումը որակյալ աշխատանքի երաշխիք
Հայաստանը, և հատկապես Արմավիրի մարզը, խիստ զգայուն է գլոբալ փոփոխությունների նկատմամբ, որոնց բացասական հետևանքներն իրենց զգացնել են տալիս հատկապես գյուղատնտեսության բնագավառում։ Մասնավորապես, գյուղացիական տնտեսությունների մեկնաբանությամբ ոռոգման ջրի պահանջը կրկնակի անգամ մեծացել է։ Խաղողի կամ պտղատու այգիները սեզոնի ընթացքում նախկինում ոռոգվում էին 3-5 անգամ, իսկ այսօր պահանջը կրկնապատկվել է։ Գյուղացիները նկատել են, որ հողի խոնավությունը զգալիորեն նվազել է։
| Մեծ փոփոխություն է նկատվում օդի ջերմաստիճանում։ Օրինակ, Արարատյան դաշտում 40 աստիճան տաքություն, ըստ վիճակագրության, նկատվել է 8 տարին մեկ անգամ, իսկ վերջին մի քանի տարիներին յուրաքանչյուր տարի գրանցվում է 40 և ավելի տաքություն, այն էլ՝ տևական ժամանակով։ Այս տարի առավելագույն ջերմաստիճանը գրանցվեց 43 աստիճան։ COP 29-ի ընթացքում Հայաստանը գլոբալ տաքացման նկատմամբ առավել ռիսկային երկիր ճանաչվեց։ |
- Արմավիրում գործող «Տարածաշրջանի կայուն զարգացում» ՀԿ-ի ուսումնասիրություններով, մարզի հասարակությունը բավարար գիտելիքներ չունի գլոբալ տաքացման և երևույթը ծնող գործոնների վերաբերյալ, այսինքն՝ անտեղյակ լինելով երևույթին, հետևանքներին, հասարակությունը ջանքեր չի գործադրում դրա դեմ պայքարելու կամ գոնե մեղմելու ուղղությամբ։
Արմավիրի մարզում բնապահպանական խնդիրների գունապնակը շատ բազմազան է՝ հողերի դեգրատացիա, կենցաղային կեղտաջրերով ոռոգում, ջրային պաշարների սխալ կառավարում, կենսաբազմազանության ոչնչացում, ծառահատումներ և կանաչ տարածքների նվազում։ Վերջին 2-3 տարիների ընթացքում նահանջել են Արաքս գետի ճահճուտները։ Այս երևույթները հակացուցված են գլոբալ տաքացման դեմ պայքարի փիլիսոփայությանը։
«Տարածաշրջանի կայուն զարգացում» ՀԿ-ն պարբերաբար անդրադառնում է այսօրինակ բնապահպանական խնդիրներին, սակայն խնդիրների մասնագիտական գնահատման պատճառների խորքային վերլուծության և վտանգների մասշտաբների կանխատեսման համար անհրաժեշտ է ունենալ բարձր որակավորմամբ մասնագետներ։
Այդ նպատակով հասարակական կազմակերպության աշխատակիցները «Իրավունքի և հնարավորությունների հզորացման ուղի» ծրագրի շրջանակում իրականացրեցին կարողությունների զարգացման տեսական և գործնական դասընթացներ։
Այդ նպատակով հասարակական կազմակերպության աշխատակիցները «Իրավունքի և հնարավորությունների հզորացման ուղի» ծրագրի շրջանակում իրականացրեցին կարողությունների զարգացման տեսական և գործնական դասընթացներ։
Այսօր կազմակերպության աշխատակիցները տիրապետում են Արմավիրի մարզի բնապահպանական խնդիրների աշխարհագրությանը և ի զորու են վերլուծություններ կատարել յուրաքանչյուր վերը նշված խնդիրների նկատմամբ։
Որակյալ զեկույցների և վերլուծությունների միջոցով հասարակության տեղեկացվածության մակարդակի բարձրացումը ենթադրում է, որ՝
Արդյունքում՝ մարզի հասարակությունն առավելագույնը կանի գլոբալ տաք
ացման դեմ պայքարում՝ առնվազն տեղային խնդիրներ լուծելու համար։
Որակյալ զեկույցների և վերլուծությունների միջոցով հասարակության տեղեկացվածության մակարդակի բարձրացումը ենթադրում է, որ՝
- հասարակությունը կտեղեկանա գլոբալ տաքացման երևույթին և դրա ծնող պատճառներին,
- հասարակությունը գիտակցաբար կներգրավվի գլոբալ տաքացման դեմ պայքարի ծրագրերին, մասնավորապես՝ կենցաղային աղբի տեսակավորում, պոլիէթիլենային տոպրակների փոխարինում բնական ծագմամբ տոպրակներով,
- հասարակության յուրաքանչյուր քաղաքացի իր հնարավորությունները կօգտագործի առնվազն կենցաղային մակարդակում պայքարելու գլոբալ տաքացման դեմ,
- տարածաշրջանի և պետական մակարդակում իրականացվող ծրագրերին հասարակական գիտակցված մասնակցություն,
- հասարակությունը կներգրավվի և տեսականորեն կիրականացնի հարմարվողականության միիջոցառումներ, մասնավորապես՝ էներգախնայող կառույցներ, այլընտրանքային էներգիա, կաթիլային ոռոգում, բնական գազի փոխարինում էլեկտրաէներգիայով։
Արդյունքում՝ մարզի հասարակությունն առավելագույնը կանի գլոբալ տաք
ացման դեմ պայքարում՝ առնվազն տեղային խնդիրներ լուծելու համար։
«Տարածաշրջանի կայուն զարգացում» ՀԿ-ն «Իրավունքի և հնարավորությունների հզորացման ուղի» ծրագիրն իրականացնում է Եվրոպական միության ֆինանսավորմամբ և Չեխիայի արտաքին գործերի նախարարության համաֆինանսավորմամբ՝ «Մարդը կարիքի մեջ» ՀԿ-ի կողմից իրականացվող «Դիմակայուն քաղաքացիական հասարակություն Արեւելյան գործընկերության տարածաշրջանում» ծրագրի շրջանակում։
