ՏՈՒԺՈՒՄ Է
ԿՐԹՈՒԹՅԱՆ ՈՐԱԿԸ
Ռոբերտի մոր խոսքով, օրինակ, հայոց լեզու առարկան ուզում էին գյուղում պարապեր, ոչ իր ուսուցչի մոտ, սակայն չէին կարող անտեսել դասղեկին, ով իր հայոց լեզվի ուսուցիչն էր։
Երևան քաղաքի բնակիչ Ն.Ս-ն, ով չցանկացավ հրապարակել իր անունը, պատմեց, որ իր տղան սովորում է 4-րդ դասարանում: Ամուսիններով անգլերենին գերազանց տիրապետում են և իրենց տղան դասարանում աչքի է ընկնում անգլերենի գերազանց իմացությամբ, սակայն դեռ ոչ մի անգամ 9 կամ 10 գնահատական չի ստացել։ Փոխարենը՝ դասարանի շատ աշակերտներ, ովքեր նույն ուսուցչի մոտ արտադպրոցական պարապմունքներում են ներգրավված, անկախ գիտելիքից, 10-ից ցածր գնահատականներ չեն ստանում։ Ն.Ս-ի խոսքով, տղան պարբերաբար տուն է գալիս հերթական 8 գնահատականը ստացած և արցունքն աչքերին պատմում է ուսուցչի անարդարացի վերաբերմունքի մասին։Ն.Ս-ի դեպքը եզակի չէ և կարելի է հանդիպել հանրապետության յուրաքանչյուր դպրոցում։
2020 թվականի ԲՈՒՀ ընդունվելիու դիմումի մեխանիկական փոփոխությունը բավական էր, որ ձախողվեր ընդունելության գործընթացը։ Ինչը դրսևորվեց բողոքի ակցիաներով և տարբեր ձևաչափի դժգոհություններով։ 2020 թվականի ԲՈւՀ-ի ընդունելության քննությունները ապիտուրենտները և ծնողները համարեցին ամենավատագույնը։ Չնայած աշակերտների մեծ մասը, ուսումը շարունակելու նպատակով, արտադպրոցական պարապմունքների են մասնակցում, բայց բավական էր շտեմարանի շրջանակներում թեստերի մեխանիկական փոփոխությունը, որ 2018-2019 ուսումնական տարվա միասնական քննությունների արդյունքներում արձանագրվեր կրթական մակարդակի կտրուկ անկում։ Գնահատման և թեստավորման կենտրոնի հրապարակած պաշտոնական տվյալներով, միասնական քննությունների մեկնարկից մինչ օրս, միասնական քննությունների միջին գնահատականների դինամիկան այսպիսինն է`
Հայաստանի կրթական համակարգը բարեփոխումների շղարշի ներքո ենթարկվել է ամենատարբեր փոփոխությունների. տարիքային շեմն է փոխվել 7-ից 6, 10-ամյա և 12-ամյա կրթությունները գործում են զուգահեռաբար, թեստային քննություններ, միասնական քննություններ, մարզային ենթակայության դպրոցներ, հանրապետական ենթակայության դպրոցներ։ Ուսումնական ծրագրերի բարեփոխումները թվարկելը գրեթե անհնարին է։
«Պետությունն ասեց բերեք մի հատ թեստերի մեջ փոփոխություն մտցնենք, տեսնենք ինչ կլինի։ Փոխեց, տեսավ արդյունքը շատ վատ էր, որովհետև այդ երեխան 3 տարի ավագ դպրոցում սովորել էր նախորդ թեստային օրինակով։ Ուրեմն պետք է մի հատ նախկինը լավ ուսումնասիրվեր ու հասկանալ, թե ինչի՞ հիման վրա էր, որ դպրոցը հեղինակություն ուներ, ուսուցիչը հեղինակություն ուներ»:
«Միասնական քննությունները 2019-ին այն արդյունքը չտվեցին, որը եղել է նախկինում: Շտեմարանից դուրս որևէ առաջադրանք, վարժություն չի եղել այս տարի, բոլորը շտեմարանի շրջանակներում է եղել, պարզապես այս տարի ընդամենը պատասխանները խառնել էին իրար: Հասկացանք, որ երեխան մեխանիկական գիտելիքներ է ստանում, անգիր է անում տեսողականով, այդ պատճառով էլ ստացվեց այս պատկերը»։
Կրթական համակարգի բարեփոխումները դեռ շարունակվում են։ Յուրաքանչյուր նախարար կրթության վերաբերյալ իր անձնական պատկերացումներն ունի, շարադրում է օրենքի կամ որոշման մեջ և ներմուծում համակարգ։ Նման սուբյեկտիվ մոտեցումների արդյունքը լինում է այն, ինչ ունենք։
